काठमाडौं ।  नबिल बैंकले आफ्ना सेयरधनीका लागि १२.५० प्रतिशत नगद लाभांश वितरण गर्ने घोषणा गरेको छ। बैंकको सञ्चालक समिति बैठकले गत आर्थिक वर्षसम्मको सञ्चित नाफाबाट उक्त दरमा नगद लाभांश दिने निर्णय गरेको हो।

सञ्चालक समितिको निर्णय आगामी साधारणसभामा प्रस्तुत गरिनेछ। साधारणसभाले स्वीकृति दिएपछि मात्र लाभांश वितरण प्रक्रिया सुरु हुने बैंकले जनाएको छ। सेयरधनीले प्रतिकित्ता १२.५० रुपैयाँका दरले नगद लाभांश पाउनेछन्। यसपटक बैंकले बोनस सेयर भने नदिने भएको छ।

गत आर्थिक वर्षमा नबिल बैंकले १० प्रतिशत नगद लाभांश वितरण गरेको थियो। हाल बैंकको सेयर मूल्य करिब ५०२ रुपैयाँ प्रतिकित्ता आसपासमा कारोबार भइरहेको छ।