काठमाडौं । नेपाली बजारमा बुधबार सुनको मूल्य घटेको छ । नेपाल सुनचाँदी व्यवसायी महासंघका अनुसार आज छापावाला सुन तोलाको ४ सय रुपैयाँले घटेर २ लाख ६७ हजार ७ सय रुपैयाँमा कारोबार भईरहेको छ । मंगलबार सुन तोलाको २ लाख ६८ हजार १०० रुपैयाँमा कारोबार भएको थियो ।

त्यस्तै, चाँदीको मूल्य भने बढेको छ । मंगलबार तोलाको ४ हजार ८ सय ८० रुपैयाँमा कारोबार भएको चाँदी बुधबार बढेर ४ हजार ९ सय ३५ रुपैयाँ पुगेको महासंघले जनाएको छ । चाँदीको मूल्य यो हालसम्मकै उच्च हो । महासंघका अनुसार बुधबार प्रति १० ग्राम सुनको मूल्य २ लाख २९ हजार ५१० रुपैयाँ र प्रति १० ग्राम चाँदीको मूल्य ४ हजार २३१ रुपैयाँमा कारोबार भईरहेको छ ।