काठमाडौँ । बालेन्द्र शाहको पुरानो र्याप प्रस्तुति पुनः भाइरल भएपछि विवाद उत्पन्न भएको छ । उक्त भिडियोलाई लिएर पूर्व सभासद सुनिलबाबु पन्तले साइबर ब्यूरोमा उजुरी दिएका छन् ।
पन्तले सो र्यापमा प्रयोग गरिएका शब्दहरु अश्लिल र आपत्तिजनक रहेको दाबी गर्दै युट्युवबाट हटाउन माग गरेका हुन् । विशेषगरी केही अभिव्यक्तिहरुले सामाजिक समूहलाई अपमान गरेको भनाइ छ ।साइबर ब्युरोले उजुरीमाथि अनुसन्धान सुरु गरिसकेको जनाएको छ । प्राविधिक टोलीले सामाग्रीको अध्ययन गरिरसकेको र आवश्यक प्रक्रिया अघि बढाइने बताइएको छ ।
यो भिडियो हालै एक युटुयुबर पक्राउ परेको घटनापछि फेरि चर्चामा आएको हो । त्यसपछि धेरैले व्यंग्यात्मक रुपमा सेयर गर्दा यो व्यापक रुपमा फैलिएको छ ।
