सरकारको घोषणा : मध्यपहाडी लोकमार्ग तीन वर्षभित्र सम्पन्न गरिने

काठमाडौं । सरकारले पुष्पलाल (मध्यपहाडी) लोकमार्ग निर्माण आगामी तीन वर्षभित्र सम्पन्न गर्ने घोषणा गरेको छ ।

शुक्रबार संघीय संसद्मा आगामी आर्थिक वर्ष २०८३/०८४ को बजेट प्रस्तुत गर्दै अर्थमन्त्री डा. स्वर्णिम वाग्लेले लोकमार्ग निर्माणलाई तीव्रता दिइने जानकारी दिएका हुन् ।

उनका अनुसार, परियोजनाअन्तर्गत ६५ किलोमिटर सडक स्तरोन्नति तथा पाँच वटा पुल निर्माण सम्पन्न गरिनेछ । उक्त कार्यका लागि सरकारले २ अर्ब १६ करोड रुपैयाँ बजेट विनियोजन गरेको छ।

सरकारले मध्यपहाडी क्षेत्रको यातायात पहुँच विस्तार, आर्थिक गतिविधि प्रवर्द्धन तथा क्षेत्रीय विकासलाई प्राथमिकतामा राख्दै लोकमार्ग निर्माणलाई अघि बढाएको जनाएको छ ।