काठमाडौं । नाडा अटो शो को १८ औं संस्करण आगामी भदौ ९ देखी १४ गतेसम्म हुने भएको छ । मेलामा सवारी साधन, पार्ट पुर्जा , वित्तीय सेवा एबम अन्य सम्बन्धित सरोकारवाला संघ–संस्थाहरूको सहभागित रहने आयोजनक संस्था नाडा अटोमोवाइल्स एशोसिएशन अफ नेपाल (नाडा) ले जनाएको छ । नाडाका अनुसार, अटो शो २०२६ का लागि स्टल बुकिङ जेठ १८ देखि २६ गतेसम्मका लागि खुल्ला गरिएको छ ।
नाडा अटो शोले नेपालका अटोमोबाइल उत्पादक, आयातकर्ता, वितरक, सेवा प्रदायक तथा सम्बन्धित उद्योगहरूलाई आफ्ना नवीनतम उत्पादन, प्रविधि तथा सेवाहरू प्रदर्शन गर्ने उत्कृष्ट अवसर प्रदान गर्दै आएको जनाएको छ । यस प्रदर्शनीमा हजारौं आगन्तुक, उद्योगी, व्यवसायी, लगानीकर्ता तथा सञ्चारकर्मीहरूको सहभागिता रहने अपेक्षा गरिएको बताइएको छ ।
स्टल बुकिङ सम्बन्धी विस्तृत जानकारी, आवेदन प्रक्रिया, शुल्क तथा अन्य आवश्यक विवरणहरू व्यवस्थापक कम्पनी ग्लोवल एक्सपोजिसनबाट प्राप्त गर्न सकिने जनाइएको छ । सहभागी संस्थाहरूलाई समयमै बुकिङ गरी आफ्नो स्टल सुनिश्चित गर्न र यस प्रतिष्ठित प्रदर्शनीको हिस्सा बन्न नाडाले आग्रह गरेको छ।
