स्कोडाद्वारा नेपालमा नयाँ जेनेरेसन कोडियाक सार्वजनिक: “रियल लक्जरी, एज इट सुड बी”

काठमाडौं। स्कोडा नेपालको आधिकारिक वितरक एमएडब्लु एक्स्पान्ज प्रालिले नाडा अटो शो २०२६ (भृकुटीमण्डप, काठमाडौं) मा नयाँ जेनेरेसन स्कोडा कोडियाक औपचारिक रूपमा सार्वजनिक गरेको छ। यससँगै नेपाली सडकहरूमा लक्जरी एसयूभीको नयाँ मानक स्थापित भएको छ। ”रियल लक्जरी, एज इट सुड बी” मूल नाराका साथ आयोजित यस अनावरण कार्यक्रममा कम्पनीका उच्च नेतृत्व, व्यावसायिक साझेदार, सञ्चारकर्मी तथा आमन्त्रित अतिथिहरूको उपस्थिति रहेको बताइएको छ।

नयाँ कोडियाक केवल अर्को एसयूभीका रूपमा नभई एक स्पष्ट पहिचानका रूपमा प्रस्तुत भएको छ — सात सिटयुक्त उत्कृष्ट युरोपेली परिष्कार, जसलाई आफ्नो स्तरीय रोजाइ प्रमाणित गरिरहनु पर्दैन, अनुभव गरे पुग्छ। यसको प्रत्येक रेखा, सतह र सामग्रीमा चेक शुद्धता र फक्सवागन ग्रुप इन्जिनियरिङको उत्कृष्ट संयोजन देख्न सकिन्छ, जसले गर्दा यसको क्याबिन सातै जनाका लागि एक निजी शान्त आश्रयस्थल जस्तै महसुस हुन्छ।

कम्पनीका अनुसार भित्र प्रवेश गर्दा यसका विशेषताहरूले स्वतः आफ्नो स्तरीयता झल्काउँछन: शरीरको बनावटअनुसार आराम दिने ‘एर्गो सिट्स’, सडकको अवस्था पहिले नै पहिचान गर्ने ‘म्याट्रिक्स एलइडी हेडलाइट्स’, र हरेक नियन्त्रणलाई सहज बनाउने आधुनिक ‘स्मार्ट डायल्स’ भने यो त्यस्तो लक्जरी हो जुन बाहिरबाट देखिने रूपमा मात्र सीमित नभई ढोका बन्द गर्दा प्राप्त हुने वास्तविक अनुभवमा मापन हुन्छ।

गाडी सार्वजनिक गर्दै स्कोडा नेपालका कार्यकारी निर्देशक रौनक अग्रवालले भने,“नयाँ कोडियाकका साथ हामी नेपालमा केवल एउटा गाडी मात्र ल्याइरहेका छैनौं — लक्जरी कस्तो हुनुपर्छ भन्ने एउटा स्पष्ट अवधारणा ल्याइरहेका छौं, जहाँ इमानदारिता, शुद्धता र अनावश्यक तडकभडकविहीन परिष्कार छ। यो वास्तविक युरोपेली लक्जरी हो, जस्तो यो हुनुपर्ने हो।”

नेपालमा नयाँ जेनेरेसन स्कोडा कोडियाक तीन भेरियन्टमा उपलब्ध छ । यसको लाउन्च भेरियन्टको मूल्य रु २ करोड २९ लाख ९० हजार ,स्पोर्टलाइनको रु २ करोड ३९ लाख ९० हजार सिलेक्सन एल एण्ड के भेरियन्टको मूल्य पनि रु २ करोड ३९ लाख ९० हजार तोकिएको जनाइएको छ ।

नयाँ कोडियाक अगस्ट २५ देखि ३० सम्म भृकुटीमण्डप, काठमाडौंमा आयोजना भइरहेको नाडा अटो शो २०२६ को स्कोडा पेभिलियनमा अवलोकनका लागि राखिएको छ। देशभरका सबै आधिकारिक स्कोडा नेपाल शोरुमहरूमा यसको बुकिङ खुला भइसकेको कम्पनीले बताएको छ।