ऋद्धि सिद्धि र सौर्य सिमेन्टद्धारा बाढीपीडितका लागि १ करोड १ लाख सहयोग

काठमाडौँ । भोटेकोशी नदीमा आएको विनासकारी बाढीबाट प्रभावित नागरिकको राहत तथा पुनःस्थापनाका लागि ऋद्धि सिद्धि सिमेन्ट र सौर्य सिमेन्टले प्रधानमन्त्री दैवी प्रकोप उद्दार कोषमा १ करोड १ लाख रुपैँया सहयोग गरेका बताइएको छ ।

कम्पनीले भदौ १० गते भोटेकोशी नदीमा आएको बाढीबाट भएको जनधनको क्षतिप्रति दुःख व्यक्त गर्दै मृतकहरुप्रति श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ ।

राहत,पुनःस्थाना पुनर्निमाणमा सहयोग गर्ने उद्धेश्यले ऋद्धि सिद्दि सिमेन्टले ५१ लाख रुपैँया र सौर्य सिमेन्टले ५० लाख रुपैँया गरी कुल १ करोड १ लाख रुपैँया सहयोग गरेका बताइएको छ ।

ऋद्दि सिद्धि सिमेन्टका अध्यक्ष शोभाकर न्यौपानेले अर्थमन्त्री स्वर्णिम वाग्लेलाई कम्पनी परिवारका तर्फबाट उक्त रकमको चेक हस्तान्तरण गरेका थिए ।

कम्पनीले विपद्को कठिन समयमा प्रभावित नागरिकको उद्धार तथा राहतमा खटिएका उद्धारकर्मी,सुरक्षाकर्मी ,प्रशासन तथा स्वास्थ्यकर्मीलगायत सबैप्रति सम्मान तथा आभार व्यक्त गरेको जनाइएको छ ।