दसैँमा यात्रुलाई सहज बनाउन काठमाडौं उपत्यकामा प्रहरीको निःशुल्क बस सेवा
काठमाडौं। दसैँका बेला सार्वजनिक यातायातमा हुन सक्ने अभाव र यात्रुको चापलाई मध्यनजर गर्दै नेपाल प्रहरीले काठमाडौं उपत्यकामा दुई दिन निःशुल्क बस सेवा सञ्चालन गर्ने भएको छ। प्रहरीले कात्तिक ३ र ४ गते तीनवटा रुटमा बस चलाएर सर्वसाधारणलाई आवागमनमा सहजता प्रदान गर्न लागेको हो।
प्रहरीका अनुसार नक्साललाई मुख्य केन्द्र बनाएर सञ्चालन हुने बसले काठमाडौं, ललितपुर र भक्तपुरका विभिन्न प्रमुख क्षेत्रलाई समेट्नेछन्।
पहिलो रुटमा नक्सालबाट बालुवाटार, टिचिङ, चक्रपथ, नयाँ बसपार्क, बालाजु, स्वयम्भू, कलङ्की, बल्खु, सातदोबाटो, लगनखेल, जावलाखेल, थापाथली, माइतीघर र पुतलीसडक हुँदै पुनः नक्साल फर्किने व्यवस्था गरिएको छ।
त्यस्तै, दोस्रो रुटको बस नक्सालबाट रत्नपार्क, बानेश्वर, कोटेश्वर, सल्लाघारी र सूर्यविनायक चोकसम्म पुग्नेछ। त्यहाँबाट कोटेश्वर, विमानस्थल, गौशाला, चाबहिल, सुकेधारा, चक्रपथ, टिचिङ र बालुवाटार हुँदै नक्साल फर्किनेछ।
तेस्रो रुटमा नक्सालबाट सोह्रखुट्टे, बालाजु, नयाँ बसपार्क, नारायणगोपाल चोक, चक्रपथ, सुकेधारा, गौशाला, विमानस्थल, कोटेश्वर, सातदोबाटो, एकान्तकुना, बल्खु र कलङ्की हुँदै पुनः नक्साल फर्किने गरी रुट निर्धारण गरिएको छ।
बस सञ्चालनको समयअनुसार कात्तिक ३ गते तीनवटै रुटमा दिउँसो ४ बजेदेखि सेवा सुरु हुनेछ। कात्तिक ४ गते भने बिहान ८ बजे पहिलो र दिउँसो ३स्३० बजे दोस्रो सिफ्टमा बस सञ्चालन गरिने प्रहरीले जनाएको छ।
दसैँमा सार्वजनिक सवारीसाधनको उपलब्धता कम हुन सक्ने अवस्थालाई ध्यानमा राखेर सञ्चालन गर्न लागिएको निःशुल्क बस सेवाबाट चाडपर्वका बेला उपत्यकाभित्र यात्रा गर्ने सर्वसाधारण लाभान्वित हुने अपेक्षा गरिएको छ।
सम्बन्धित समाचार
आज तीन प्रदेशमा हल्का बर्षा हुने
एम.ए.डब्लु. अर्थमुभर्स प्रा.लि.द्वारा नेपालगञ्जमा जेसीबी एग्रीम्याक्स सार्वजनिक, १० वटा जेसीबी मेसिन ग्राहकलाई हस्तान्तरण
नेपाल पर्यटन बोर्डको सहकार्यमा टिकटकले सुरु गर्यो ‘भिजिट नेपाल’ अभियान
विश्व मोबिलिटीको भविष्य देखाउँदै ओमोडा र जेकोको अन्तर्राष्ट्रिय युजर समिट २०२६
आज चार प्रदेशमा हल्का वर्षाको सम्भावना
सीजी एलईडीको उज्यालोसँग यस तिहारलाई बनाऔँ अझै झिलिमिली र विशेष
ट्रेन्डिङ
लिपमोटर बी०३ एक्सको डेलिभरी सुरु,एकपटकको चार्जमा ५०५ किलोमिटरसम्म रेन्ज
फोटोनका १४ वटा विद्युतीय सवारी साधन (टीएम १ पीकअप) भाटभटेनी सुपरमार्केटलाई हस्तान्तरण
सेयर बजारमा भारी पहिरो,कारोबार रकम सवा ७ अर्ब नाघ्यो
यामाहाको ‘चङ्गा चेट’ अभियानमा १० लाख ३ हजार रुपैयाँको ग्रान्ड प्राइज विजेता घोषणा
नेप्सेमा सामान्य सुधार, कारोबार रकम साढे सात अर्ब नाघ्यो
