कक्षा तीनकी छात्रालाई यौन दुर्व्यवहार गर्ने शिक्षक पक्राउ

काठमाडौं । रुरुक्षेत्र गाउँपालिकामा कक्षा तीनमा अध्यनरत छात्रालाई यौन दुर्व्यवहार गरेको आरोपमा शिक्षक पक्राउ परेका छन् ।

जिल्ला प्रहरी कार्यालय गुल्मीले रुरुक्षेत्र गाउँपालिका–३ को प्रतिभा आधारभुत माध्यमिक बिद्यालयमा अध्यापन गराउने शिक्षक रामहरी ज्ञवालीले अध्ययनरत नावालिकालाई यौन दुर्व्यवहार गरेको आरेपमा पक्राउ गरिएको जनाएको छ ।

त्यस्तै, आरोपी शिक्षकले जेठ १७ गते दिउँसो स्कुल समयमा अस्वभाविक यौनजन्य कार्य गरेको भनी परिवारले दिएको उजुरीका आधारमा बिहीबार पक्राउ गरिएको हो । प्रहरीले उनीमाथी छानबिन जारी रहेको जानकारी दिएको छ ।