अप्पर सोलु हाइड्रोले १९.५७ लाख कित्ता बढी आईपीओ बिक्री खुला गर्दै

काठमाडौं । अप्पर सोलु हाइड्रो इलेक्ट्रिक कम्पनी लिमिटेडले असार २० गतेदेखि सर्वसाधारणका लागि आईपीओ बिक्री खुलाउने भएको छ । बिक्री प्रबन्धकमा एनएमबि क्यापिटल रहेको छ ।

उक्त कम्पनीले १९ करोड ५७ लाख ५० हजार रुपैयाँ बराबरको आईपीओ बिक्री गर्ने जनाएको छ । कम्पनीले प्रतिकित्ता १०० रुपैयाँ अंकित दरले कुल १९ लाख ५७ हजार ५०० कित्ता आईपीओ निष्कासन गर्नेछ ।

निष्कासित कित्तामध्ये सामूहिक लगानी कोषलाई ५ प्रतिशत अर्थात ९७ हजार ८७५ कित्ता र कर्मचारीहरुका लागि २ प्रतिशत अर्थात ३९ हजार १५० कित्ता छुट्याइएको छ । त्यस्तै, सर्वसाधारणका लागि भने बाँकी १८ लाख २० हजार ४७५ कित्ता छुट्टाइएको छ ।

लगानीकर्ताले न्यूनतम १० कित्तादेखि अधिकतम १ लाख कित्तासम्म आवेदन दिन पाउनेछन् । उक्त आईपीओ छिटोमा असार २३ गते र ढिलोमा साउन २ गते बैंकिङ समयपछि बन्द हुनेछ ।

यसैगरी, लगानीकर्ताले सी–आस्बा प्राप्त बैंक तथा वित्तीय संस्था र मेरो शेयरमार्फत आवेदन दिन सक्नेछन् ।