काठमाडौँ । जिल्लाको बेनीस्थित भू-तथा जलाधार संरक्षण सम्पर्क कार्यालयले ३१ वटा बस्ती पहिरो र १३ ठाउँमा नदी कटानका कारण करिब एक हजार घरधुरी जोखिममा रहेका जनाएको छ ।

कार्यालयका सहायक भूसंरक्षण अधिकृत शम्भुकुमार मिश्रले म्याग्दीको ३५७.९ हेक्टर जमिन भू–क्षयबाट प्रभावित भएको जानकारी दिए । धौलागिरिको दर, मराङ, लमसुङ, खोरीया, ताकम, मालिकाको जुकेपानी, छाप, देवीस्थान, बिम, रातोढुङ्गा, रुम, घोर्सी, दिच्याम गोगनपानी, दरवाङ, मङ्गलाको भकिम्ली, पुलाचौर, भसभसे, खर्सुपानी, हाँडेभिर, बेनी नगरपालिकाको सिङ्गा तातोपानी, घतान, पात्लेखेत, रघुगङ्गाको कटुवालटोल, भगवती, रानीपौवा, पिप्ले, पाखापानी, दग्नाम, राहुघाट, अन्नपूर्णको शिख तल्लोगाउँ, दोवा, घोस्केखोर र फगाममा पहिराको जोखिम रहेको कार्यालयले जनाएको छ ।

यसैगरी, सहायक संरक्षण अधिकृत मिश्रले म्याग्दी, राहुघाट र कालीगण्डकी नदीको तटीय क्षेत्रमा रहेको शेरफाँट, हाँडेभिर, दरवाङ, दुखुबेँसी, सहश्रधारा, पिपलचौतारी, पानाबगर, काशेबगर, बगरफाँट, ताराखेत, सिङ्गा तातोपानी, गलेश्वर, भुरुङ्ग तातोपानीमा कटानको जोखिम भएको जनाए ।