अरमान मलिकले प्रेमिकासँग गरे इन्गेजमेन्ट

एजेन्सी । भारतीय गायक अरमान मलिकले इन्गेजमेन्ट गरेका छन् । उनले प्रेमिका आशना श्राफसँग इन्गेजमेन्ट गरेका हुन् । उनीहरूले सोमबार इन्स्टाग्राममार्फत इन्गेजमेन्टको तस्बिर सार्वजनिक गर्दै यस बारे जानकारी दिएका हुन् ।

‘अब हाम्रो जीवनभरको साथ सुरू भयो,’ अरमानले लेखेका छन् । उनीहरूले तस्बिर सार्वजनिक गरेपछि बधाईको ओइरो लागेको छ । अरमान मलिक संगीतकार दबो मलिकका छोरा हुन् ।

यस्तै उनका दाइ अमाल मलिक पनि संगीत क्षेत्रमा आवद्ध छन् । अरमान र अमालले एकसाथ थुप्रै गीत गाएका छन् । आशना श्राफ फेसन इन्फ्लुएन्सर हुन् । उनले ब्युटी र फेसनसँग सम्बन्धित भ्लग बनाउने गर्छिन् ।