बलिउड अभिनेत्रीहरुभन्दा कम छैनन् साउथका यी ५ सुपरस्टारका श्रीमतीहरु

एजेन्सी । साउथमा यस्ता धेरै कलाकार छन् जसले कुनै अभिनेत्रीसँग बिहे गरेका छैनन् तर ठूला र चर्चित व्यवसायीका छोरीसँग विवाह गरेका छन् । आज हामी ५ यस्ता कलाकारहरुको बारेमा चर्चा गर्नेछौं, जसका श्रीमतीहरु ठूला व्यवसायीका छोरी हुन् । यी कलाकारहरुका श्रीमतीहरु करोडौंको मालिक हुनुका साथै निकै सुन्दर पनि छन् ।

रामचरण
यो सूचीमा पहिलो नाम ओस्कर विजेता गीत ‘नाटु नातु’बाट विश्वभर चर्चित भएका अभिनेता राम चरण रहेका छन् । रामचरणकी पत्नी उपासना कामिनेनी फिल्मी दुनियाँमा छैनन् । उनी अपोलो अस्पतालका संस्थापक र अध्यक्ष प्रताप सी रेड्डीकी नातिनी र केईआई समूहका संस्थापक अनिल कामिनेनीकी छोरी हुन् । उपासना कामिनेनी आफै अपोलो फाउन्डेसनकी उपाध्यक्ष हुन् । यो जोडीले २०१२ मा भव्य विवाह गरेका थिए र अब यो जोडी छिट्टै अभिभावक बन्न लागेका छन् ।

अल्लु अर्जुन
अल्लु अर्जुन साउथका ठूला सुपरस्टारको सूचीमा परेका छन् । उनले सन् २०११ मा स्नेहा रेड्डीसँग विवाह गरेका थिए । मिडिया रिपोर्टका अनुसार विवाहमा स्नेहा रेड्डीको प्रत्येक साडीको मूल्य १ लाख रुपैयाँ थियो । उनी तेलंगानाका प्रख्यात व्यापारी चन्द्रशेखर रेड्डीकी छोरी हुन् ।

सूर्य
अभिनेता सूर्यकी पत्नी ज्योतिका आफैं पनि चर्चित अभिनेत्री हुन् । ज्योतिका तमिल फिल्म उद्योगकी शीर्ष अभिनेत्री हुन् । सात फिल्ममा सँगै काम गरेपछि नायिकाले सहकलाकार सुर्यासँग विवाह गरिन् । यो जोडीले सन् २००६ मा विवाह गरेका थिए । अभिनेत्रीका पिता चन्द्र सदना फिल्म निर्माता हुन् ।

राणा डग्गुबती
‘बाहुबली’का ‘भल्लालदेव’ अर्थात् राणा डग्गुबती सन् २०२० मा मिहिका बजाजसँग विवाह बन्धनमा बाँधिए । यी अभिनेताको विवाह तेलुगु फिल्म उद्योगको सबैभन्दा ठूलो विवाह मध्ये एक थियो । राणा दग्गुबतीकी श्रीमती मिहिका बजाजकी आमाको गहनाको व्यवसाय छ भने उनी आफैं इन्टेरियर डिजाइनर हुन् ।

दुल्कर सलमान
मलयालम फिल्म उद्योगका सबैभन्दा ठूलो स्टार मामुट्टीका छोरा दुल्कर सलमानले फिल्म उद्योगमा आफ्नो छुट्टै पहिचान बनाएका छन् । दुल्कर सलमानले तेलुगु, मलयालम लगायत धेरै भाषाका फिल्ममा काम गरेका छन् । उनले आफ्नी लामो समयदेखि प्रेमिका अमल सुफियासँग २०११ मा विवाह गरेका थिए । अमल सुफिया चेन्नईमा बस्ने एक इन्टेरियर डिजाइनरकी छोरी हुन् ।