मोरङ । लेटाङ नगरपालिका-२ फडानीस्थित एकिकृत जनभावना बचत तथा ऋण सहकारी संस्थाको कार्यालयबाट नगद १० लाख रूपैयाँ गएराति चोरी भएको नेपाल प्रहरीले बताएको छ । प्रहरीका अनुसार लेटाङ नगरपालिका-२ खैरेनीस्थित सोही सहकारी संस्थाको शाखा कार्यालयबाट समेत नगद ३ लाख रूपैयाँ गएराति चोरी भएको छ । प्रहरीले चोरीमा संलग्न हाल फरार व्यक्तिको खोजी गर्नुका साथै यस सम्बन्धमा थप अनुसन्धान गरिरहेको बताइएको छ ।