काठमाडौं । सहरी विकासमन्त्री कुलमान घिसिङले बञ्चरेडाँडा ल्याण्डफिल साइटका बासिन्दासँग १५ दिनभित्र स्थानीय माग पूरा गर्ने प्रतिबद्धता जनाएका छन्। मन्त्री घिसिङ आइतबार बिहान साइट पुगेर स्थानीय बासिन्दा र ककनीका जनप्रतिनिधिसँग छलफल गरेका थिए। यसअघि स्थानीय बासिन्दाले ४ दिनदेखि फोहोर फाल्न रोकेका थिए।

ककनी गाउँपालिकाका अध्यक्ष सुमन तामाङका अनुसार, मन्त्री घिसिङले अहिले सम्म भएका निर्णय र बाँकी सहमतिहरू १५ दिनभित्र कार्यान्वयन गर्ने प्रतिबद्धता जनाएका छन्। यदि सो अवधिभित्र पनि कार्यान्वयन हुन सकेन भने, स्थानीयहरूले विरोध गर्ने अधिकार राख्ने बताए।

यस प्रतिबद्धतापछि, स्थानीयहरूले फोहोर फाल्ने काम पुनः सुरु गर्न दिने भएका छन् ।