काठमाडौं । तुलसीपुर उच्च अदालत बुटवल इजलासले रास्वपाका सभापति तथा पूर्व गृहमन्त्री रवि लामिछाने र पूर्व डिआईजी छविलाल जोशीको मुद्दाको फाईल झिकाउन आदेश दिएको छ ।

बुटवलको सुप्रिम सहकारी संस्थाको रकम ठगी र संगठित अपराध अभियोगमा थुनामा रहेका लामिछाने र जोशीले पेश गरेको रिटमा आज सुनुवाई भएको थियो । लामिछानेले आफूमाथि हुनसक्ने बिगो बराबरको रकम जम्मा गरेर थुनामुक्त हुन पाउँ भनेर निवेदन दिएका थिए ।

अदालतले लामिछानेसँगै जोशीको पनि मुद्दा सुनुवाई गरेको हो । न्यायाधीश वासुदेव आचार्य र ओमप्रसाद अर्यालको १ नम्बर इजलासमा भएको सुनुवाईमा जिल्ला अदालत रुपन्देहीले जारी गरेको आदेश र अरु फाइलहरु मगाउने आदेश गरेको छ ।