काठमाडौं । बुधवार सुन र चाँदीको मूल्य घटेको छ। मंगलबारको तुलनामा बुधवार सुनको मूल्य तोलामा १ हजार १०० रुपैयाँले कम भई २ लाख ६१ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ।

सुनको मूल्यमा यसअघि पनि भारी गिरावट आएको थियो। सोमबार छापावाल सुनको मूल्य २ लाख ७० हजार र आइतबार २ लाख ७० हजार ६०० रुपैयाँ पुगेको थियो। मंगलबार सुन तोलाको २ लाख ६२ हजार एक सयमा कारोबार रुपैयाँमा कारोबार भएको थियो ।

यस्तै, चाँदीको मूल्य पनि घटेर ४ हजार ४ सय ७० रुपैयाँ तोलामा कायम भएको महासंघले जनाएको छ। मंगलबार चाँदीको मूल्य ४ हजार ५ सय ९० रुपैयाँमा कारोबार भएको थियो ।