निर्वाचन सकिएको कति समयमा निर्वाचन परिणाम सार्वजनिक हुन्छ ?

काठमाडौँ । निर्वाचन आयोगले मतदान सम्पन्न भएपछि मतपेटिका सुरक्षित रुपमा संकलन गरेर गणना प्रक्रिया सुरु गर्ने  । निर्वाचन आयोगकका अनुसार मतपेटिका संकलन भइसकेपछि प्रत्यक्ष प्रणालीतर्फको मतगणना सूरु भएको २४ घण्टाभित्र प्रारम्भिक परिणाम सार्वजनिक गर्ने लक्ष्य रहेको छ । साथै फागुन २५ गतेभित्र सम्पुर्ण निर्वाँचन परिणाम सार्वजनिक गर्ने योजना रहेको बताइएको छ ।

तर पुर्वप्रमुख निर्वाचन आयुक्तहरुले भौगोलिक विकटता,मौसमको अवस्था र यातायात तथा सञ्चारको कठिनाइका कारण सबै ठाउँबाट मतपेटिका समयमै संकलन गर्न चुनौती हुने बताएका छन् । हिमाली तथा दुर्गम क्षेत्रमा हेलिकप्टर वा पैदलमार्गबाट ढुवानी गर्नुपर्ने अवस्था आउन सक्ने भएकाले परिणाम आउन केहि दिनदेखि करिब १० दिनसम्म लाग्न सक्ने उनीहरुको भनाइ रहेको छ । कतिपय ठाउँमा सुरक्षा व्यवस्था र मतगणनाका क्रममा हुने विवाद समाधान गर्न पनि समय लाग्ने उल्लेख गरिएको छ ।

आयोगले प्रत्यक्ष प्रणालीको गणना सकेपछि समानुपातिक प्रणलीको मतगणना सुरु गर्ने र दलहरुले प्राप्त गर्ने सिट संख्या निर्धारण गरी सम्बन्धित दललाई जानकारी गराउने प्रक्रिया अपनाउने जनाएको छ । त्यस्तैगरी आयोगले निर्धारित समयभित्र निर्वाचन परिणाम सार्वजनिक गर्ने तयारी गरे पनि प्राविधिक र भौगोलिक कारणले केहि ढिलाइ हुन सक्ने अवस्था रहेको बताइएको छ ।