काठमाडौँमा नयाँ वर्षदेखि रात्रिकालीन बस सेवा सुरु

काठमाडौँ । काठमाडौँ महानगरपालिकाले नयाँ वर्षदेखि रात्रिकालीन बस सेवा सुरु नयाँ वर्षको अवसर पारेर रात्रिकालीन सार्वजनिक बस सेवा सञ्चालन गर्ने भएको छ । महानगरले साझा यातायातसँगको सहकार्यमा बैशाख १ गतेदेखि बेलुका ८ बजेदेखि राति ११ बजेसम्म सेवा सञ्चालन गर्ने तयारी गरेको जनाएको छ ।

प्रारम्भिक चरणमा दुईवटा मुख्य रुटमा सेवा सञ्चालन गरिनेछ ।

पहिलो रुट :
ललितपुरको लगनखेलबाट सुरु भई पाटन अस्पताल, अल्का, नर्भिक अस्पताल, प्रसुति गृह, ट्रमा सेन्टर ,वीर अस्पताल, कान्ति अस्पताल, टिचिङ अस्पताल, गंगालाल ह्रदय केन्द्र हुँदै बुढानीलकण्ठसम्म बस सञ्चालन हुनेछ ।

दोस्रो रुट :
थानकोटबाट सुरु भई सतुंगल, कलंकी, कालीमाटी, त्रिपुरेश्वर, थापाथली, माइतीघर मण्डला, बानेश्वर, मीनभवन, तीनकुने हुँदै अन्तर्राष्ट्रिय विमानस्थलसम्म सेवा विस्तार गरिनेछ ।

यी दुवै रुटमा प्रारम्भिक रुपमा ४ वटा विद्युतीय बस सञ्चालन गरिनेछन् । यात्रुलाई सहज बनाउन तोकिएका बस स्टपहरुमा प्रत्येक २० मिनेटको अन्तरालमा बस उपलब्ध हुने बताइएको छ ।

यात्रुको सुरक्षालाई प्राथमिकता दिँदै बसहरुमा सीसीटिभी क्यामरा जडान गरिनेछ भने आवश्यक सुरक्षा व्यवस्थाका लागि नगर प्रहरी प्रहरी परिचालन गरिने महानगरपालिकाले जनाएको छ ।