काठमाण्डाैंमा उर्जा सम्मेलन सुरु

काठमाडौं ३० मंसीर ।

विहिवार देखि काठमाण्डाैंमा उर्जा सम्मेलन सुरु हुने भएको छ । स्वतन्त्र उर्जा उत्पादकको संस्था (इपान) को आयोजनामा आज र भोलि दुई दिने सम्मेलन हुन लागेको हो । दश वर्षमा दश हजार मेगावाट विद्युत उत्पान गर्ने सरकारको लक्ष्यलाई सहयोग पुर्याउन उर्जा सम्मेलन गर्न लागिएको इपानले जनाएको छ । दुई दिनसम्म हुने उर्जा सम्मेलनको प्रधानमन्त्री पुष्पकमल दाहाल प्रचण्डले उदघाटन गर्नुहुनेछ ।

उर्जा सम्मेलनमा दश वर्षमा दश हजार मेगावाट विद्युत कहिले र कसरी हुन्छ भन्ने विषयमा विशेष बहस पनि सञ्चालन हुनेछ । उर्जा सुरक्षा अवधारणा, विद्युतको माग एवं आपूर्तिको विश्लेषण, राष्ट्रिय गौवका आयोजना निर्माणको मोडल, जलविद्युत आयोजनाको वित्तिय व्यवस्थापन, वैदेशिक लगानीका ठूला आयोजना, राष्ट्रिय प्रशारण, कम्पनीको स्थापना, क्रस बोर्डर प्रशारण लाइन निर्माण जलवायु परिर्वतन एवं राष्ट्रिय प्रकोप व्यवस्थापन, दिगो जल विद्युत विकासका विषयमा छलफल हुने इप्पानले बताएको छ । सम्मेलनमा नेपाल लगायत भारत, चीन, नर्वे, युएस, जापानका लगानीकर्ताहरु, परामर्शदाता, स्वदेशी तथा विदेशी बैंक तथा वित्तिय संस्था, विमा कम्पनी, विदेशी कुटनीतिक नियोगहरु, नेपाल सरकारका सम्बन्धित मन्त्रालयका प्रतिनिधि लगायत करिब ५ सयको सहभागिता हुने अनुमान गरिएको छ ।