नेपाल हियरिङ एन्ड स्पिच क्लिनिकद्वारा एकदिने अडियोलोजी कार्यशाला सम्पन्न

काठमाडौं । नेपाल हियरिङ एन्ड स्पिच क्लिनिक प्रा.लि.को आयोजनामा बालबालिकाको श्रवण परीक्षण, मूल्याङ्कन तथा प्रारम्भिक व्यवस्थापन र पुनर्स्थापना योजनासम्बन्धी एकदिने विशेष कार्यशाला सम्पन्न भएको छ।

“Advanced Pediatric Assessment – Early Intervention Planning”  विषयमा आयोजित कार्यक्रममा बेलायतबाट आएका पेडियाट्रिक अडियोलोजिस्ट बिबेक भट्टराई, NHS Glasgow, युके ले प्रशिक्षण प्रदान गरेका थिए।

कार्यशालामा अडियोलोजी अध्ययनरत विद्यार्थी, नवप्रवेशी तथा अनुभवी अडियोलोजिस्ट गरी ६५ जनाको सहभागिता रहेको थियो। कार्यक्रममा बालबालिकाको श्रवण समस्या पहिचान, आधुनिक परीक्षण तथा मूल्याङ्कन विधि, नतिजाको विश्लेषण र त्यसपछि अपनाउनुपर्ने व्यवस्थापन तथा पुनर्स्थापना योजनाबारे ज्ञान तथा अनुभव आदानप्रदान गरिएको थियो।

नेपाल हियरिङ एन्ड स्पिच क्लिनिकले नेपालको अडियोलोजी समुदायको ज्ञान तथा व्यावसायिक क्षमता अभिवृद्धि गर्ने उद्देश्यले कार्यक्रम आयोजना गरिएको जनाएको छ।