चोरी गरेर भाग्दै गर्दा यसरी समातियो चोर

 नागार्जुन नगरपालिका–३ ठुलोभर्याङ स्वागत मार्ग डेरा गरी बस्ने रौतहट चन्द्रनिगाहापुर नगरपालिका–४ का ३१ वर्षीय लोकेन्द्र कुवरको कोठाबाट विभिन्न सामान चोरी गरी भाग्दै गरेको अवस्थामा सिन्धुपाल्चोक मेलम्ची–६ का २८ वर्षीय विकाश तामाङलाई शुक्रबार प्रहरीले पक्राउ गरेको नेपाल प्रहरीले बताएको छ ।
तामाङले कुवरको कोठाको ढोका फोडी नगद ८ हजार ४ सय, चाँदी जस्तो देखिने हरियो पत्थरको बाला १ थान, पाउजु १ थान, बाला २ थान, सुनजस्तो देखीने पहेंलो रिङ्ग १ जोर, झुम्का १ जोर, औंठी १ थान, पहेंलो पत्थर जडित जन्तर १ थान लगायतका सामानहरु चोरी गरी बा.६९ प ७२६३ नम्बरको मोटरसाइकल चढेर भाग्ने क्रममा महानगरीय प्रहरी वृत्त थानकोटको प्रहरीले फेला पारी पक्राउ गरेको हो ।