नेपालमा फेरि बढ्यो कोरोना संक्रमण, २ जनाले गुमाए ज्यान

काठमाडौं । पछिल्लो २४ घण्टामा ३१५ जना कोरोना संक्रमित थपिएका छन् । देशभर गरिएको ९ हजार ३८६ पीसीआर र २ हजार ४२४ जनाको एन्टीजेन परीक्षणका क्रममा ३१५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यो सँगै कुल संक्रमितको संख्या ८ लाख २३ हजार १०२ जना पुगेको छ । कुल संक्रमितमध्ये ६ हजार ३५२ जना सक्रिय संक्रमित छन् । गत २४ घण्टामा ३०४ जना संक्रमित निको भएका छन् । यो सँगै देशभर निको हुनेको संख्या ८ लाख ५ हजार २०५ पुगेको छ ।

उक्त अवधिमा २ जना संक्रमितको मृत्यु भएको मन्त्रालयले जनाएको छ । हालसम्म कोरोना संक्रमणबाट मृत्यु हुनेको संख्या ११ हजार ५४५ पुगेको छ । हाल ९८ जना क्वारेन्टाइनमा छन् । १२३ जना आइसीयू र ३० जना भेन्टिलेटरमा रहेको मन्त्रालयले जनाएको छ ।