प्रचण्ड आगामी साता जापान जाने

काठमाडौं । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ आगामी साता जापान जाने भएका छन् ।

नेपाली जनप्रगतिशील मञ्च जापानका अनुसार प्रचण्ड आगामी साता टोकियोमा ‘समृद्ध नेपालको आधार आर्थिक क्रान्तिमा प्रवासी नेपालीको सरोकार’ विषयक अन्तर्क्रिया कार्यक्रमलाई सम्बोधन गर्न जाने तयारीमा छन् ।

यसैगरी, आयोजकले टोकियो खामेइदो कल्चर सेन्टरमा आगामी अगस्ट ७ तारिख हुने कार्यक्रममा त्यहाँस्थित नेपाली समुदायको उपस्थिति हुने जनाएका छन् । प्रचण्ड केही समयअघि मात्र भारतको औपचारिक भ्रमण गरेर स्वदेश फर्किएका थिए । उनी जापानबाट फर्केपछि चीन जाने कार्यक्रममा रहेको जनाइएको छ ।