बलिउडमा कोरोनाको कहर : अक्षय, भूमि र विक्की लगायत एक दर्जनबढी कलाकारमा संक्रमण

भारतमा पछिल्लो समय कोरोनाभाइरसको संक्रमण तिव्र गतिमा फैलिरहेको छ । कोरोनाको दोस्रो लहर चलिरहेको भारतमा बलिउडका कलाकारमा पनि संक्रमण देखिएको छ । एकपछि अर्को कलाकारलाई कोरोना संक्रमण भएको सामाचारहरु आइरहेका छन् । यसैबीच आइतबार कोरोना संक्रमित भएका अक्षय कुमार आज अस्पताल भर्ना भएका छन् ।

उनीपछि अभिनेत्री भूमि पेडनेकर, विक्की कौशल, एजाज खान र शुभांगी अत्रेलाई पनि कोरोना संक्रमण देखिएको छ । भूमि र विक्कीले पनि आफुलाई कोरोना संक्रमण भएको बारे सामाजिक सञ्जालमार्फत जानकारी गराएका छन् । उनीहरुहरुले अहिले आफुहरु होम क्वारेन्टाइनमा बसेको बताएका छन् ।

यस्तै आमिर खान, आलिया भट्ट, फातिमा, आर धाधवन, परेश रावल, मिलिंद सोमन, रेश ३ का डाइरेक्टर रमेश तेरानी, इण्डियन आइडलका एंकर आदित्य नारायण र उनी पत्नी श्वेता अग्रवाल, गोविन्दा लगायतका कलाकारमा पनि संक्रमण देखिएको छ ।