भारतमा कोरोना संक्रमितको संख्यामा फेरि बन्यो नयाँ रेकर्ड

एजेन्सी । भारतमा पछिल्लो २४ घण्टामा ४७ हजारभन्दा बढीमा कोरोना संक्रमण पुष्टि भएको छ । स्वास्थ्य मन्त्रालयका अनुसार बुधवार बिहानसम्म थप ४७ हजार २६२ जनामा संक्रमण देखिएको हो ।

यससँगै भारतमा १ करोड १७ लाख ३४ हजार ५८ जनामा संक्रमण देखिएको छ । यस्तै, भारतभर १ लाख ६० हजार ४४१ जनाको संक्रमणका कारण ज्यान गएको छ ।

पछिल्लो २४ घण्टामा मात्रै २७५ जनाको ज्यान गएको मन्त्रालयले जनाएको छ । हाल भारतमा ३ लाख ६८ हजार ४५७ जना सक्रिय कोरोना संक्रमित रहेका छन् । भारतको महाराष्ट्र, पंजाब, कर्नाटक गुजरात र मध्यप्रदेशमा फेरि कोरोना संक्रमणको दर बढ्दै गएको छ ।

कतिपय जिल्लामा फेरि लकडाउन गरिएको छ । केही क्षेत्रको संचालनमा प्रतिबन्ध लगाइएको छ । संक्रमण बढ्दै जाँदा केन्द्र र राज्य सरकारले स्वास्थ्य प्रोटोकल पालना गर्न सार्वजनिक अपिल जारी गरेको छ ।