गुगल र मेटा पछि एप्पलले पनि अब स्मार्ट चश्मा ल्याउने

काठमाडौं । गुगल र सामसङपछि अब एप्पल पनि स्मार्ट चस्माको क्षेत्रमा प्रवेश गर्ने तयारीमा छ। कम्पनीले हाल यस परियोजनामा ​​काम गरिरहेको छ र एप्पलको पहिलो स्मार्ट चस्मा अर्को वर्ष बजारमा आउने अपेक्षा गरिएको छ। गोपनीयतासम्बन्धी चिन्ताहरूलाई सम्बोधन गर्न एप्पलले यस उपकरणमा विशेष सुविधाहरू समावेश गर्ने योजना बनाएको छ।

गोपनीयताको विषयमा बलियो प्रतिष्ठा बनाएको एप्पलले आफ्ना ‘स्मार्ट ग्लास’ हरूमा पनि यसैमा विशेष जोड दिने योजना बनाएको छ। यस क्षेत्रको अग्रणी कम्पनी मेटाले आफ्ना ग्लासहरूको दुरुपयोगलाई लिएर कडा आलोचना खेप्नुपरेको थियो । यसैलाई मध्यनजर गर्दै एप्पल गोपनीयताको मामिलामा कुनै सम्झौता गर्न चाहँदैन।

बजारमा ल्याउनुअघि गोपनीयतासम्बन्धी चिन्ताहरूलाई सम्बोधन गर्नकै लागि एप्पलले यो उपकरणको विकासमा लामो समय लिइरहेको विश्वास गरिन्छ।