क्लासिक टेकमा १०० भन्दा बढी रोजगारीको अवसर

काठमाडौं । इन्टरनेट सेवा प्रदायक कम्पनी क्लासिक टेकले देशभर १०० भन्दा बढी विभिन्न पदमा कर्मचारी माग गरेको छ । कम्पनीले सेवा विस्तार तथा ग्राहक सेवालाई अझ प्रभावकारी बनाउने उद्देश्यले फाइबर इन्जिनियर, फाइबर लिडर, फिल्ड सपोर्टलगायतका पदका लागि योग्य, ऊर्जाशील र जिम्मेवार उम्मेदवारबाट आवेदन आह्वान गरेको जनाएको छ ।

कम्पनीका अनुसार छनोट भएका कर्मचारीले मासिक रु. ३० हजारसम्म तलब, ओभरटाइम सुविधा, सीयूजी (CUG) सिम कार्ड, कार्यसम्पादनका आधारमा करिअर ग्रोथ, तालिम तथा सिकाइको अवसर र नेपालभर कार्य गर्ने अवसर प्राप्त गर्नेछन् । यी पदका लागि नेपालभरका विभिन्न शाखामा कार्यस्थल रहने कम्पनीले जनाएको छ ।

इच्छुक उम्मेदवारले आफ्नो बायोडाटा (CV) career@classic.com.np मा पठाउन वा क्लासिक टेकको आधिकारिक वेबसाइट अथवा नजिकको शाखा कार्यालयमा सम्पर्क गरेर आवेदन दिन सक्नेछन्। कम्पनीले योग्य उम्मेदवारलाई समयमै आवेदन दिन आग्रह गरेको छ।