रबिन्द्र यादव र परासी, ३ पुष
संस्कृति, पर्यटन तथा नागरिक उड्यन राज्यमन्त्रि ईन्द्र बहादुर बानियाले नवलपरासीको धार्मिक तथा पर्यटकिय क्षेत्रको विकास गर्नका लागि विशेष पहल गर्ने बताउनु भयो । भगवान गौतम बुद्धको अस्ट धातु भएको रामग्राम स्तुप, बुद्धको मावली घर रहेको देवदह एवं लुम्विनीसंग जोडेर बुद्ध सर्किट समेत बनाउनमा राज्यमन्त्री बानियाले पहल गर्ने प्रतिवद्धता जाहेर गर्नु भएको छ ।
जिल्लाको धार्मिक तथा पर्यटकिय स्थल गजेन्द्रमोक्ष धाम त्रिवेणी, दाउन्ने मन्दिर, मौलाकालिका, पालीभगवती मन्दिर, महलपोखरी नन्दन ताल, मदारबाबा स्थान लगातएका धार्मिक एवं प्रर्यटकिय स्थलहरुको विकास तथा प्रवर्धनका लागि आफँुले बिषेश पहल गर्ने बताउनु भएको छ ।
जिल्लाको सुनवलमा संचालीत औद्योगि व्यपार मेलाको समापन कार्यक्रममा राज्यमन्त्रि बानियाले, स्थानिय उद्योगी तथा ब्यापारीहरुको प्रर्वधनमा सहयोग पुगेको भन्दै खुलेर प्रसंसा गर्नु भएको थियो । निजि क्षेत्रसंगको सहकार्यवाट नै देशको अर्थतन्त्र माथि उठ्न सक्ने भएकाले सरकार निजिक्षेत्रसंग सहकार्य गर्न तयार रहेको उहाँले बताउनु भयो ।
गत मंसीर २३ गते देखी सुनवलमा संचालीत तेस्रो नवलपरासी औधोगीक एवं ब्यापार मेला आज आईतवार समापन भएको छ । मेलाको समापन कार्यक्रममा बोल्दै राज्यमन्त्रि बानियाले अहिलेको प्रदेश नम्वर ५ लाई अखण्ड राख्ने विषयमा भएको बन्द र त्यसका वारेमा बन्द आवाहन कर्तालाई सहमति, सहकार्य र छलफलको माध्यामवाट संसदवाट नै समाधान खोज्न आवाहन गर्नु भयो । फुटेज छ ।
