भारत भ्रमणमा रहनुभएकी राष्ट्रपति विद्यादेवी भण्डारी आज गुजरात र उडिसा जाँदै हुनुहुन्छ । उहाँलाई त्यहाँका मुख्यमन्त्रीहरुले स्वागतसँगै भेटवार्ता गर्ने कार्यक्रम छ । राष्ट्रपति भण्डारीको उच्चस्तरीय भेटवार्ता भने मंगलबार नै सकिएको छ ।
राष्ट्रपति भण्डारीलाई मंगलबार भारतीय समकक्षी प्रणव मुखर्जी र भारतीय प्रधानमन्त्री नरेन्द्र मोदीसँग छुट्टाछुट्टै भेतवार्ता गर्नुभएको थियो ।
भेटमा मुखर्जीले सबैलाई समेटेर संविधान कार्यान्वयन र चुनाव गर्न सुझाव दिनुभएको थियो भने मोदीले नेपालको लोकतान्त्रिक विकासमा भारतको सद्भाव रहने प्रतिबद्धता जनाउनुभयो । राष्ट्रपति भण्डारीले दुई देशबीचको घनिष्ठ सम्बन्धलाई जनस्तरमा पुर्याउन आवश्यक रहेको बताउनुभएको थियो ।
