केन्द्रिय सदस्य भरत थापालाई ५ किलो मालाले स्वागत एवं सम्मान
रबिन्द्र यादव र परासी, ८ बैशाख ।
उद्योग वाणिज्य महासंघको नवनिर्वाचित केन्द्रिय सदस्य एवं उद्योग वाणिज्य संघ नवलपरासीका अध्यक्ष भिम बहादुर थापाक्षेत्रीलाई उद्योग वाणिज्य संघले आज ५ किलोको माला लगाई स्वागत तथा सम्मान गरेको छ । महासंघको ५१ आंै साधारण सभा तथा अधिवेशनमा प्रदेश नं. ५ बाट केन्द्रिय सदस्य पदमा निर्विरोध निर्वाचत भएको हुँदा संघले थापालाई गृह जिल्लामा ५ किलोको माला लगाई स्वागत तथा सम्मान गरेको हो ।
उद्योग वाणिज्य संघले आयोजना गरेको केन्द्रिय सदस्य थापालाई स्वागत सम्मान कार्यक्रममा संघको जिल्ला कार्यसमिति, पुर्व अध्यक्षहरु र विभिन्न संघ संस्थाका प्रमुख एवं प्रतिनिधिहरुले केन्द्रिय सदस्य थापालाई फुलमाला लगाई बधाई दिएका थिए ।
केन्द्रिय सदस्य थापा २०६५ सालदेखि उद्योग वाण्ज्यि संघको कार्यकारिणी सदस्य पदमा निर्वाचित भई संघमा क्रियाशिल भई काम गर्दै संघमा आफनो राजनिति कायम गरेका थिए । उनी २०६८ सालको निर्वाचनमा संघको वाणिज्य तर्फको उपाध्यक्ष पदमा निर्वाचित हुदै २०७१ सालको निर्वाचनमा अत्याधिक मतले संघको अध्यक्ष पदभार सम्हालेका थिए । थापा आफनो क्रियशिलता र ईमान्दारिताकै कारण उद्योगी व्यवासायीको नजरमा लोकप्रिय बन्दै आजका दिनमा महासंघको केन्द्रिय सदस्य समेत बन्न सफल भएको कार्यक्रमका वक्ताहरुले थापाको प्रशंसा गरेका थिए ।
संघका बरिष्ठ उपाध्यक्ष नरेन्द्र कुमार गुप्ताको अध्यक्षतामा तथा महासंघका केन्द्रिय सदस्य गुणनिधि तिवारीको प्रमुख अतिथ्यतामा भएको कार्यक्रममा अतिथि एवं संघका निर्वतमान अध्यक्ष बैजनाथ जयसवाल, पुर्व अध्यक्ष अर्जुन कुमार पोख्रेल, पुर्व अध्यक्ष विरेन्द्र कुमार अग्रहरी, संघका उद्योग तर्फका उपाध्यक्ष ओम प्रकार अग्रहरी, महासचिव गिरीराज पाण्डे लगायतले कार्यक्रमका विशिष्ट अतिथि एवं महासंघका नवनिर्वाचित केन्द्रिय सदस्य भिम बहादुर थापाक्षेत्रीलाई स्वागत तथा बधाई ज्ञापन गरेका थिए ।
केन्द्रिय सदस्य भरत थापा नेपाली कांग्रेसको राजनिति क्षेत्रमा पनि उत्तिकै क्रियाशिल छन् । उनी अहिले कांग्रेसको महासमिति सदस्य छन् । थापाको आफनो सरल र मिलनसार व्यवहारका कारण उनी जिल्लामा लोकप्रिय पनि बन्दै गएका छन् । आगामी बैशाख ३१ गतेको हुन लागेको स्थानिय चुनावमा भरत थापा सुनवल नगरपालिकाको मेयर पदका उम्मेदवारको चर्चामा पनि छन् । परिवर्तनका लागि युवाको आवश्यकता समाजले महसुस गरिरहेको बेला उनी सुनवल नगरपालिकामा बलियो उम्मेदवारको रुपमा पनि चिनिने गरिएका छन् ।
