रबिन्द्र यादव परासी, १६ श्रावण ।
नवलपरासीको प्रसिद्ध ऐतिहासिक एवं धामिर्क स्थल मदारबाबाको चौतर्फि विकासका लागि मुस्लिम समुदायद्धारा आधादर्जन सम्बन्धित मन्त्रालयहरुको ध्यानाकर्षण गराइएको छ । कुतुबुल मदारशाह दरगाह कमेटीका पदाधिकारीहरु मदारबाबाको विकास र संरक्षणका लागि संघिय मामिला तथा स्थानिय विकास मन्त्रालय, शहरी विकास मन्त्रालय, गृह मन्त्रालय, नागरिक उडयन तथा सांस्कृति पर्यटन मन्त्रालय, लगायत आधा दर्जनको ध्यानाकर्षण गराउदै ज्ञापन पत्र समेत दिएका छन् ।
सयांै वर्षदेखि सुस्ता गाउँपालिका वडा नं. २ महलबारीमा लाग्दै आएको उक्त मदारबाबाको मेलामा आउने नेपाल भारतका लाखांै भक्तजनहरुलाई बस्ने धर्मशाला, शौचालय, स्नान गृह, भोजनालय, खानेपानी र उचित बाटो घाटोको व्यवस्था नभएकै कारण भक्तजन एवं पर्यटकहरु सास्ती खेप्दै आएका छन् । नेपालमै प्रसिद्ध मदारबाबा धर्मिक क्षेत्रको विकासका लागि समितिले विभिन्न सम्बन्धित निकायमा गुहार माग्दै आएपनि अहिलेसम्म कुनै निकयबाट खासै पहल भएको पाइएको छ । साथै स्थानिय स्तरबाट पनि कुनै पहल भएको छैन ।
नेपालमै मुस्लिम समुदायको ऐतिहासिक महत्वपुर्ण धार्मिक स्थल मदारबाबालाई पर्यटकिय क्षेत्रको रुपमा विकास गर्न आवश्यक भौतिक पुर्वाधार र आवयक बजेटको माग गर्ने उद्देश्यले मन्त्रालयहरुको ध्यानाकर्षण गराइएको संस्थाका संरक्षक बुद्धन अलीले बताए । अलीका अनुसार ति मन्त्रालयका मन्त्रीहरु संग बसी मदारबाबाको समस्या एवं आवश्यक भौतिक पुर्वाधारको विषयमा वृहद छलफल गरियो जसप्रति मन्त्रीहरु साकारात्मक देखिएको संरक्षक अलीले बताए । अबदेखि मदारबाबाको विकास र संरक्षणमा जिल्ला भरिका मुस्लिम समुदायहरु एकजुट भई लागि परेका छन् । करिब एक हप्तादेखि मन्त्रालयहरुमा डेलिगेशन पुग्ने संस्थाका अध्यक्ष निजामुद्दिन मिँया, संरक्षक बुद्धन अलि, सचिव अजमुद्दिन मिँया, कोषाध्यक्ष रियाजुलहक अांसरी, मठाधिश अमिरुल्लाह अंसारी लगायत रहेका छन् ।
