रबिन्द्र यादव परासी, १० असोज ।

नवलपरासीको पाल्हीनन्दन गाउँपालिकाका स्थानिय जनताले गाउँपालिका घेराउ गर्दै आज फेरि तालाबन्दी गरेका छन् । गाउँपालिकाको नयाँ भवन कुश्मा गाउँमा बनाउनु पर्ने माग राख्दै स्थानियले आज दिउसो गाउँपालिका घेराउ गरि तालाबन्दी गरेका हुन् । कुश्मा परसीया गाउँबाट सयांैको संख्यामा आन्दोलनमा उत्रेका स्थानियहरु गाउँपालिकाको भवन कुनै पनि हालतमा बेलासपुर बनाउन नदिने चेतनावनी दिदै कार्यालयमा तालाबन्दी गरि महेसपुर परासी सडकखण्डमा एक घण्टा चक्का जाम गरेका थिए । चक्काजामले अवरोध भएको बाटोका कारण यातायात ठप्प बनेको थियो ।

गाउँपालिका अध्यक्ष बैजु प्रसाद गुप्ता (दिपक) ले बार्डको बैठकमा कार्यालयको भवन बेलासपुरमा बनाउने भनि कुनै प्रकारको कुरा नझिकि सोझै गाउँपरिषदबाट वडा अध्यक्ष एवं सदस्यहरुलाई मिलाई बहुमत पु¥याएर निर्णय गराएको विरोधमा अस्ती आईतबार ८ गते स्थानियले कार्यालय घेराउ गर्दै तालबन्दी गरेका थिए । एक त गाउँलले गरेको तालबन्दी अध्यक्ष गुप्ताले स्थानिय जनताको बिना सहमति, प्रशासनको सहयोगमा ताला फुटाउने कार्य गरे । यता हिजो सोमबार स्थानिय दाता गिरी, तारिन्द्र बर्मा र द्धारिका जयसवालको टोली गाउँपरिषदबाट बहुमति पु¥याई कार्यालय भवन बेलासपुरमा बनाउने निर्णयको प्रतिलिपि माग्न जाँदा अध्यक्ष गुप्ता र ति व्यक्तिहरु बिच भनाभन पनि भयो ।

अध्यक्षले स्थानिय संग सहमति नगरेको र प्रतिलिपि नदिई उल्टै सार्वजनिक मुद्दा चलाउने धम्की दिएकोे विरोधमा स्थानिय जनता आज फेरि पनि गाउँपालिका घेराउ गरि तालबन्दी गरेको स्थानिय आन्दोलित दाता गिरीले बताए ।

अध्यक्ष गुप्ताले परिषदबाट बहुमत पु¥याई गाउँपालिका भवन बेलासपुर चोकको पश्चिम २ सय मिटर झुल्निपुरको पोखरी पुरेर बनाउने निर्णय प्रति गाउँपालिका उपाध्यक्ष पावित्रा कोहार सहित विभिन्न वडा अध्यक्ष एवं सदस्यहरुले आपत्ति जनाएका थिए । स्थानिय तह पुर्न संरचना आयोगले ताकेको गाउँपालिका केन्द्र साविक कुश्मा गाविस भवन रहेको उपाध्यक्ष कोहारले भन्दै भवन पनि यसै गाउँमा रहेको गाविस भवनको जग्गामा बनाईनु पर्ने हाम्रो माग रहेको बताईन् । साविक कुश्मा गाविस हाल पाल्हीनन्दन गाउँपालिकाको वार्ड नम्बर ३ मा पर्दछ र अहिले सार्न लागिएको कार्यालय भवन बेलासपुर पनि वार्ड नम्बर ३ मै पर्दछ । कुश्मा सबै वार्डको सेण्टर रहने हुँदा यसलाई अन्यत्र नसार्न स्थानियले सम्बन्धित निकायमा आग्रह गरे । साविक कुश्मा गाविसको भवनबाट करिब ४ सय मिटर पुर्व गाविसको नाउमा १ विगाहा भन्दा बढि जग्गा रहेको छ जुन कार्यालय भवनका लागि उचित स्थान रहने स्थानियले विचार व्यक्त गरे