काठमाडौं, ४ कात्तिक । पूर्वराजा ज्ञानेन्द्र शाहले आफू मुलुकको नेतृत्व र जिम्मेवारी लिन तयार रहेको बताएका छन् ।
आज भाइटीका ग्रहणपछि संचारकर्मीलाई संक्षिप्त प्रतिक्रिया दिँदै पूर्वराजा शाहले मुलुकमा नेतृत्व नै नभएको जस्तो देखिएको टिप्पणी गरे । एउटा जिम्मेवार नागरिकको हैसियतले आफूलाई मुलुकको चिन्ता र चासो हुनु स्वभाविक भएको भन्दै उनले आफूले नेतृत्व लिने समय आएको पनि दाबी गरे ।
उनले आजको दिन परिवारसँग बस्ने दिन भएकोले नागरिकलाई आफूले भनेको कुरा ध्यान दिएर सुन्न पनि आग्रह गरे । यसैबीच पूर्वराजा ज्ञानेन्द्रले कान्छी बहिनी शोभा शाहीसँग टीका ग्रहण गरेका छन् ।
उनले पञ्चाङ्ग निर्णयक समितिले तोकेको उत्तम साइत ११ बजेर ५१ मिनेट भन्दा अगाडि विहान १० बजेर ४५ मिनेटको साइतमा टीका ग्रहण गरेको जनाइएको छ ।

[su_youtube url=”https://youtu.be/z1EuLxyktK4?t=6″ width=”920″ height=”940″]