काठमाडौंको म्हैपीमा एउटा समूहले आइतबार बिहान कल्याण गुरूङलाई गोली हानेको छ । गोली लागी गुरूङ घाइते भएका छन् । उनको घुँडामा चोट लागेको छ । घुँडामुनि गोली लागेका गुरुङको शिक्षण अस्पताल महामराजगञ्जमा उपचार भइरहेको काठमाडौं प्रहरीले जनाएको छ ।
घटनापछि प्रहरीले गोली चलाएको अभियोगको अनुसन्धानका लागि ५ जनालाई पक्राउ गरेको छ । म्हैपीस्थित सडकमा स्कुटरमा हिँडिरहेका बेला एक समूहले बाटो छेकेर गोली प्रहार गरेका थिए । राती डिस्कोमा भएको झगडाका कारण नै गुरूङमाथि गोली प्रहार भएको प्रहरीको अनुमान छ ।
