काठमाडौं – जिम्बाव्बेमा जारी आइसिसी विश्वकप छनोट क्रिकेटको दोस्रो खेलमा नेपालले स्कटल्यान्डलाई जितका लागि १५० रनको लक्ष्य प्रस्तुत गरेको छ।
क्विन्स स्पार्टस क्लबको मैदानमा जारी खेलमा टस जितेर पहिला ब्याटिङ गरेको नेपालले कमजोर ब्याटिङ गर्दै ४७.४ ओभरमा सबै विकेट गुमाउदै १४९ रन बनायो।
नेपालका लागि कप्तान पारस खड्काले सर्वाधिक ६३ रन बनाए। पारसले ७५ बलको सामना गर्दै ९ चौंकाको मद्दतमा ६३ रन जोडे। त्यस्तै बसन्त रेग्मीले नटआउट २४, सोमपाल कामीले १८, र रोहितकुमार पौडैलले १५ रन बनाउनु बाहेक अन्य ब्याट्सम्यानले दोहोरो रनको स्कोर छुन सकेनन्।
नेपाललाई सस्तैमा समेटन स्टकल्यान्डका लागी स्टुवार्ट ह्विटिंगमले ३, सफ्यान सरिफले २, तथा रिची,इभान्स र टोम सोलीले समान एक–एक विकेट हात पारे।
१५० रनको बिजयी लक्ष्यका साथ स्टकल्यान्ड केहिछिनमा ब्याटिङमा उत्रदैछ।
सुपरसिक्सको लक्ष्यका साथ आइसिसी विश्वकप छनोटमा होमिएको नेपाल गर या मरको अवस्थामा छ। समूहको पहिलो खेलमा आयोजक जिम्बाब्वेलाई १ सय १६ रनको फराकिलो नतिजा सुम्पिएको नेपाललाई अघिल्लो चरण प्रवेश सम्भावना जीवित राख्न पनि क्विन्स स्पार्टस क्लबमा स्टकल्यान्डविरुद्धको खेल जित्नै पर्ने दबाब छ।
पहिलो खेलमा आइतबार अफगानिस्तानलाई ७ विकेटले पराजित गरेको स्कटल्यान्डले मंगलबार हङकङलाई ४ विकेटले हराएको थियो
क न्यूज बात
