ठिलेन लामाको निर्देशनमा बन्ने चलचित्र “मेतोक”को फस्ट लुक सार्वजनिक

काठमाडौँ,

 ठिलेन इन्टरटेनमेन्टको ब्यानरबाट बन्न लागेको ह्योल्मो आदिवासी चलचित्र “मेतोक”को पोष्टर  सार्वजनिक भएको छ । ठिलेन लामाको निर्देशनमा बन्ने चलचित्र भदौको पहिलो हप्ताबाट छायांकनमा जाने निर्माण टिमले जनाएको छ ।

हेलम्बु, मनाङ्ग र काठमाडौँमा खिचेने चलचित्रलाई सर्किनी ह्योल्मोले लगानी गरेकी हुन् ।  चलचित्रमा ३ ओटा गीतहरु रहनेछन जसमध्ये एउटा गित चर्चित गायक राजु लामाले गायका छन् भने ३ ओटै गीतमा संगीत भने दावा डी. ह्योल्मोले भरेका छन् ।

राम कुमार के. सी.को छायांकन रहने उक्त चलचित्रमा नायक  ठिलेन लामा, नायिका  निमा डोल्मा लामा र दावा दोर्जे लामाको मुख्य भूमिका रहने चलचित्रमा  छेम्बेल ह्योल्मो, भिम ज्यावा लामा, कान्छी माया र पेमा लामाको अभिनय रहने छ,त्यस्तै चलचित्रमा चर्चित हास्य कलाकार डोमा ह्योल्मोलाई अथिति कलाकारमा देख्न पाइनेछ ।

चलचित्र को  कथा निर्देशक लामा को  रहेको छ , पटकथा / संवाद आगत के सि को छ भने  ह्योल्मो भाषाको  अनुबाद ढले ह्योल्मो गरेका छन । उक्त चलचित्रमा निर्माण नियन्त्रक दावा संग्बु लामा रहने छन् भने लाइन प्रोडुसर  मिंगमार लामा रहने बताइएको छ ।

चलचित्रले ह्योल्मो समुदायको वास्तविक रहनसहन, भेषभुषा र सस्कृतिलाई दर्शक सामु पस्कने बताउछिन चलचित्र निर्माती सर्किनी ह्याल्मो बताउछिन।

चलचित्र “मेतोक” का लेखक, निर्देशक तथा नायक ठिलेन लामाले  अभिनय गरेको चलचित्र “अनुराग” यहि असोज १२ बाट प्रदर्शनमा आउदै छ  ।