१७ असार / नवलपरासी पश्चिम

नवलपरासी पश्चिमको प्रतापपुर गाउपालिका गण्डक कमान्ड क्षेत्रको दुई गाउँपालिका मध्ये एक हो । साविकको ठुलो खरेटवा,बैदौली,सोमनी,गुठी परसौनी,गुठी सुर्यपुरा,प्रतापपुर र जमुनियाको (केही वडा) गाविस गाभिएर बनेको प्रतापपुर गाउँपालिकामा हाल ९ वटा वडा रहेका छन् । जसमध्ये वडा नम्बर ९ साविक प्रतापपुर गाविसको वडा नं १,२,३,५,७,८ र ९ मिलेर प्रतापपुर गाउपालिका वडा ९ का बासिन्दा कृषिमा निर्भर छन् ।

गतबर्ष स्थानिय तहको निर्वाचनमा वडा नम्बर ९ बाट हेमेन्द्र कुमार पंजियार (मनोज) निर्वाचित भएका थिए । प्रस्तुत छ वहाँ संग गरिएको कुराकानी । तपाई निर्वाचित भइसकेपछि वडामा के उपलब्धि भयो ? पहिला त मलाई वडा अध्यक्षमा विजयी गराउनु हुने सम्पुर्ण वडा बासीलाई पुनः एक पटक धन्यवाद दिन चाहन्छु । वडा अध्यक्षमा निर्वाचित भएपछि सडक बाटो क्षेत्रमा सुधार भएको छ ।

वडा भित्र रहेका सम्पुर्ण गाउँ टोलमा रहेका सडक बाटोमा कालोपत्रे, माटो पुरी ग्राबेल र खाल्डाखुल्डी माटो पुर्ने कार्य भएको छ । यसका लागि बिशेश बजेट छुट्याइएको थियोे । कृषि क्षेत्रमा पनि काम गरेका छौ । अावश्यकता अनुसार ठाउँठाउँमा बोरिङ जडान गरेका छौ । हरेक गाउँको चोकचोकमा सुर्य लाइट जडान गरेका छौ । त्यसैगरी लक्षित वर्गका लागि वडामा विभिन्न खालका सिपमुलक तालिम संचालन गरेका छौ ।

नियमित काम बाहेक गर्नु नै पर्ने विकासका लागि कस्तो योजना बन्यो ? नियमित काम बाहेक वडाका विकासका लागि विशेष गरेर कृषि,शिक्षा,सडक बाटो घाटो अादिको विकास अपरिहार्य थियोे । वडा भित्र शिक्षाको गुणस्तर सुधार र विद्यालयको वाल बाउङ्ड्री निर्माणका निम्ति योजना बनाइयो । यहाका अधिकांश जनता कृषिमा निर्भर भएकाले वहाहरुको लागि वडाको विभिन्न स्थानमा बोरिङ जडान गरियो ।

स्थानिय तहको निर्वाचनको बेला जनतालाई अाश्वासन दिदा र अहिले कार्यान्वयन गर्दा कस्तो महसुस भइरहेको छ ? खासै अनुभुती त भै रहेको छैन तर जनता बाट सर सुझाव सल्लाह पाउँदा अत्यन्तै खुशी लागिरहेको छ । यस्तै अगामी दिनमा पनि सुझाव सल्लाह पाउने अपेक्षा गरेको छु । जनतालाई अाश्वासन दिए अनुसार काम गर्नु मेरो दायित्व र कर्तव्य हो । उहाँहरुलाई अाश्वासन दिए अनुसारको काम भै रहेको छ ।

वडाको कार्य सम्पादनमा तपाई कस्ता कस्ता चुनौतीको सामना गर्नु भयो ? सही भन्नू भयो काम गर्ने क्रममा चुनौती त अाइहाल्छ, यो स्वभाविक प्रक्रिया हो । गाउँ टोलमा सडक निर्माण गर्ने क्रममा स्थानिय बासीका घर सडकमा पर्ने र त्यसलाई भत्काउने क्रममा विवाद देखिएको हुन्छ । विकासको कार्यमा खासै चुनौती देखेको छैन ।

चुनौतीलाई अवसरको रुपमा लिएर अगाडि बढि रहेको छु । वडाका अगामी ७ प्राथमिकता के के हुन ? वडाको पहिलो प्राथमिकता गुरु योजना बनाएर शिक्षा,स्वास्थ,कृषि,सडक, युवा रोजगारका निम्ति सिपमुलक तालिम,बाल मैत्री घोषणा,छुवाछूत मुक्त लगायतका क्षेत्रमा काम गर्ने प्रमुख मेरो प्राथमिकता हो ।

प्रस्तुति- रबिन्द्र यादव