रबिन्द्र यादव
नवलपरासी पश्चिम, ३ भदौ । सुनवल नगरपालिका नेपालकै पहिलो बालमैत्री स्थानिय तह घोषणा भएको छ । नगर प्रमुख भिम बहादुर थापाक्षेत्रीको अध्यक्षतामा भएको बालमैत्री नगर घोष्णा समारोह बिच प्रदेश ५ का मुख्यमन्त्री शंकर पोख्रेलले आईतबार एक भव्य समारोह बिच नगरपालिकालाई नेपालकै पहिलो बालमैत्री स्थानिय शासन नगर घोषणा गरेका हुन् ।
सुनवल नगरपालिकाको वार्ड नम्बर १२ भुमहीमा आयोजित बालमैत्री नगर घोषणा समारोहमा संघिय संरचना अनुसार नगरमा थपिएको ११,१२ र १३ वटा वडालाई बालेमैत्री वडा घोषणा गरिदै सुनवल नगरपालिकालाई नेपालकै पहिलो बालमैत्री स्थानिय तहको रुपमा घोषणा गरिएको नगर प्रमुख भिम बहादुर थापा क्षेत्रीले बताए । यस भन्दा पहिला सुनवल नगरपालिकामा रहेको १० वटा वडा सहित नगर बालमैत्री घोषणा भईसकेको थियो ।
समारोहको प्रमुख अतिथिको रुपमा रहेको प्रदेश ५ को मुख्यमन्त्री शंकर पाख्रेलले सुनवल नगरपालिकालाई बधाई दिदै यस नगरपालिकाले नेपालमै उदहारण कार्य गरेको प्रशंशा गरे । त्यसै बिच विशिष्ट अतिथि एवं पुर्व गृहराज्य मन्त्री देवेन्द्रराज कण्डेल, राष्ट्रिय सभा सदस्य रामलखन हरिजन, प्रदेश ५ को भौतिक तथा पुर्वधार मन्त्री बैजनाथ चौधरी, प्रदेश ५ को सांसद बैजनाथ जयसवालले पनि नगरपालिकालाई बधाई ज्ञापन गरेका हुन् ।
नगर प्रमुख थापाले समारोहमा, नगरमा रहेको कुल १६० वटा बाल क्लबहरु, १३ वटा वडा स्तरिय बालक्लब संजाल र १ नगर स्तरिय बाल क्लब संजाल रहेको जनाकारी गराउदै नगरमा कुल ६८ हजार ८२ जन संख्या मध्ये २८ हजार २६० जना बालबालिका रहेको बताए । समारोहमा विभिन्न बालक्लबहरुले बालबालिकाको झक्लो दिने गरि नृत्य तथा विभिन्न सांस्कृतिक कला प्रस्तुत गरेका थिए ।
