खुसीको खबर स्मार्ट लाइसेन्स  लिन अब कुर्नु नपर्ने

काठमाडौं |

यातायात व्यवस्था विभागले बिना तयारी २०७२ मंसिर २० बाट स्मार्ट लाइसेन्स वितरण शुरु गर्यो तर त्यो कामको परिणाम आजसम्म पनि उपभोक्ताले भोग्दै आएका छन् । पछिल्लो समय १ बर्षसम्म कुर्दा पनि आफ्नो लाइसेन्स नपाएको भन्दै अधिकांश उपभोक्ताले विभागलाई गाली गर्दै आएका छन् ।विभागले अध्ययननै नगरी स्मार्ट लाइसेन्स वितरण गर्न थालेपछी लाइसेन्सको माग र छापिने शंख्याको तालमेल नमिल्दा तथा छापिने मेसिनसमेत पटक-पटक बिग्रने गर्दा उपभोक्ता मारमा परेको कुरा अधिकारीहरुले नै बताउने गरेको कुरा हो । तर अबको केहि महिनामै यो संमस्या समाधान हुने यातायात व्यवस्था विभागले जनाएको छ । यस अघि दैनिक १५०० कार्ड प्रिन्ट गर्ने क्षेमताको मेसिनहरु प्रयोग भएकोमा अब भने १ घण्टामै ५०० लाइसेन्स छाप्ने मेसिन ल्याइने भएको छ । जसको लागि यही महिनाको अन्त्यतिर बोलपत्र आब्हान गर्ने तयारी छ ।

अब ल्याउने मेसिनले दैनिक ८ घण्टा मात्र लाइसेन्स प्रिन्ट गरेपनि ४ हजार लाइसेन्स प्रिन्ट गर्नेछ । यस अघि १५०० कार्ड प्रिन्ट गर्ने मेसिन बिभागसँगनै हुँदा अब दैनिक ५ हजार भन्दा बढी कार्ड प्रिन्ट हुने हुँदा लाइसेन्सको लागि १ बर्षसम्म कुर्नुपर्ने समस्या नरहने बिभागले जनाएको छ । अहिले दैनिक ४ हजार स्मार्ट लाइसेन्स माग भईरहेको अवस्थामा १५०० मात्र प्रिन्ट हुने त्यो पनि कहिलेकाही मेसिनमा खरावीको कारण समस्या हुने गरेको अवस्था छ ।

१० लाख स्मार्ट कार्डका लागि १८ करोड र प्रिन्ट मेसिनको लागि ४ करोड रुपैंया छुट्याइएको विभागका निर्देशक तुलसीराम अर्यालले जानकारी दिएका छन् । उनका अनुसार बोलपत्र आब्हानका लागि १ महिनाको समय निर्धारण गरिएको छ । यसको १५ दिनमा कम्पनीको अध्ययन गरी कम्पनी छनोट गरिनेछ । अहिले स्मार्ट लाइसेन्स समयमै नपाउँदा हजारौं सवारी चालकहरु विभागको राजस्व तिरेको रसिद देखाएरै सवारी चलाउन बाध्य छन् । विभागले ट्रायल परिक्षा उत्तिर्ण गरेका २ लाख भन्दा बढी व्यक्तिको लाइसेन्स छपाई गर्न बाँकी रहेको छ ।