काठमाडौं, ५ माघ । एकिकृत राष्ट्रिय प्रजातन्त्र पार्टी (राजावादी) का सह–महामन्त्री प्रदीप विक्रम राणाले आफूहरुले अब राजा र हिन्दूको लागि छिट्टै दशौं हजार जनता सडकमा उतार्नेपनि दाबी गरे ।
शनिबार रिपोर्टर्स नेपाल डटकमसँगको कुराकानीमा सह–महामन्त्री राणाले भने,‘यसको लागि राजावादी शक्तिहरु टुक्रिएर होईन, कार्यगत एकता गरेर यो लडाई लड्नुपर्छ ।’ त्यस्तै उनले राप्रपा नेपालका अध्यक्ष कमल थापा र राप्रपाका अध्यक्ष पशुपति शमशेर जबराले जनताको मतको दुरुपयोग गरेको गम्भिर आरोप लगाएका छन् ।
काठमाडौं, ५ माघ । एकिकृत राष्ट्रिय प्रजातन्त्र पार्टी (राजावादी) का सह–महामन्त्री प्रदीप विक्रम राणाले आफूहरुले अब राजा र हिन्दूको लागि छिट्टै दशौं हजार जनता सडकमा उतार्नेपनि दाबी गरे ।
शनिबार रिपोर्टर्स नेपाल डटकमसँगको कुराकानीमा सह–महामन्त्री राणाले भने,‘यसको लागि राजावादी शक्तिहरु टुक्रिएर होईन, कार्यगत एकता गरेर यो लडाई लड्नुपर्छ ।’ त्यस्तै उनले राप्रपा नेपालका अध्यक्ष कमल थापा र राप्रपाका अध्यक्ष पशुपति शमशेर जबराले जनताको मतको दुरुपयोग गरेको गम्भिर आरोप लगाएका छन् ।
राणाले भने,‘हिजो हिन्दू र राजाको लागि भनेर राप्रपा नेपाललाई जनताले ६ लाख भन्दा बढि मत दिए । त्यही मतले राप्रपा नेपाल संसदमा चौथो शक्तिको रुपमा उदय भयो । तर, उसले जनताले जे उद्देश्यको लागि मत दिएका थिए, त्यसमा खरो उत्रिने सकेन । बरु, शक्ति र सक्ताको लागि फोहोरी राजनीतिमा सहभागी भयो ।’
तत्कालिन् राप्रपाले पनि चार लाख चानचुन मत प्राप्त गरेको उल्लेख गर्दै उनले भने,‘के जनताले यी दुई पार्टीलाई जिताएको होली वाईनको वाईनमा लठ्ठ हुन हो ? म प्रश्न गर्न चाहन्छु।’ उनले हिन्दू र राजावादीले हिन्दूको रक्षा र राजसंस्थाको लागि दिएको मत के गणतन्त्रको साक्षी बस्न हो ? भन्दै प्रश्न गरे । उनले भने,‘जनताले यिनीहरुलाई के गणतन्त्रको साक्षी बस्न हो ? राष्ट्रपतिको निर्वाचनमा समर्थक बस्नको लागि जनताले मत दिएका हुन त ?’
निकै आक्रोशमा देखिएका राणाले अर्को कडा प्रश्न तेर्साए,‘गाईको दुध खाएर गाईको रक्षा गर्नुको साटो गाई काट्न पाउनुपर्छ भनेर साक्षी बस्नको लागि त जनताले उनीहरुलाई मत दिएका होईनन् नि ?’
राणाले विभिन्न समयमा मन्त्री, उपप्रधानमन्त्री बन्नको लागि पनि जनताले थापा र राणा नेतृत्वको राप्रपालाई मत नदिएको जिकिर गरे । उनले भने,‘तर, उनीहरुले जनताको बहुमल्य मतलाई सत्ताको लागि दुरुपयोग गरे । यो हिन्दू र राजावादी जनताप्रतिको ठाडो अपमान हो ।’ थापा र राणाले सत्ताको मोह देखाउँदा उनीहरु धर्मनिरपेक्षता र गणतन्त्रको साँक्षी बस्नु परेको अर्को आरोप लगाए ।
आज हिन्दू र राजावादी भनेर भन्नेले पार्टीको विधानबाट राजा हटाउँछु भनेर धम्काउने काम गरेको भन्दै उनले कमल थापामाथि गम्भिर आरोप लगाए । उनले भने,‘जनताले अब होली वाईन पिउनेहरुले हिन्दू धर्म र राजसंस्थाको रक्षा गर्न सक्दैन भनेर जनताले प्रष्टसँग बुझिसकेका छन् ।’ उनले होली वाईन पिउनेहरुको शरिरमा राजसंस्था र हिन्दू मेटाउने विष रहेको पनि आरोप लगाए ।
फरक प्रसँगमा उनले धर्म र राजाको नाममा पसल कसैलेपनि खोल्न नहुने धारणा राखे । उनले भने,‘हिन्दूराष्ट्र र राजसंस्थाको लागि हामी सबैले मन, वचन र कर्मले काम गरौं । म यही अपिल गर्न चाहन्छु।’
पार्टीका केन्द्रिय सदस्यहरु नविन शाही, पशुपति कठायत, महानगर अध्यक्ष दिनेश नापितलगायतको पनि हिन्दूराष्ट्र र राजसंस्थाको लागि अब सबैले सशक्त आवाज उठाउनुपर्ने धारणा राखेका थिए ।
