पोखरीमा यस्तो कलात्मक मुर्ति फेला परे पछि हेर्नेको भिड

सप्तरीको बोरिया गाविस ८ कट्टी टोलस्थित प्राचिन सार्वजनिक पोखरी उसराहीबाट एउटा कलात्मक विष्णु भगवानको मूर्ति फेला परेको छ ।
स्थानीय रामेश्वर महतोले सोमबार सो पोखरीबाट माटो खन्ने क्रममा करिब १० किलोको उक्त मूर्ती फेला परेका हुन ।
फेला परेको मूर्तीलाई मंगलबार मधेशी जनअधिकार फोरम नेपालका केन्द्रिय सदस्य शैलेन्द्र प्रसाद साहको अगुवाइमा आयोजित पत्रकार सम्मेलनमा स्थानीयहरुले सार्वजनिक गरेका छन् । मूर्ती सार्वजनिक पश्चात् सोही स्थानमा रहेको हनुमान मन्दिरमा तत्कालका लागि राखिएको केन्द्रिय सदस्य साहले जानकारी दिनुभयो ।
स्थानिय बिन्देश्वर महतोको संयोजकत्वमा गठित २१ सदस्यीय मन्दिर व्यवस्थापन तथा संरक्षण समितिलाई सो मूर्ति जिम्मा लगाइएको केन्द्रिय सदस्य साहले जानकारी दिनुभयो । यस्तै नारायण ठाकुरको संयोजकत्वमा ११ सदस्यीय स्वयमसेवक समिति समेत गठन गरिएको छ ।