काठमाडौं । त्रिभुवन विश्वविद्यालय शिक्षा शास्त्र संकायका सहायक डीन बबालाल साहलाई विद्यार्थीले मोसो दलेका छन् । छात्रामाथी यौन दुर्व्यवहार गरेको भन्दै बिद्यार्थीले कालोमोसो दलका हुन् ।

एक छात्रालाई बारम्वार यौन दुब्र्यवहार गरेको भेटिएपछि नेकपा निकट बिद्यार्थीहरुले डीन बबालाललाई कालोमोसो दलेका छन् ।

अनेरास्ववियु र अखिल क्रान्तिकारीका कार्यकर्ताले बुधबार उनकै कार्यकक्षमा कालोमोसो दलेका हुन् । छात्राले आफुमाथी यौन दुब्र्यबहार भएको बताएपछि एक हुल बिद्यार्थीहरु आक्रोसित हुँदै साहको कार्यकक्षमा पुगेका थिए ।

विवाद बढ्दै गएपछि उनलाई कालोमासो दलिएको हो ।केही दिनअघि साहले छात्रालाई संवेदनशील अंगमा छोएर हातपात समेत गरेको विद्यार्थीको आरोप छ।

साहले संवेदनशील अंगमा छुदै जबर्जस्ती गर्न खोजेको र नमान्दा हातपात गरेको विद्यार्थीले आरोप लगाएका छन्। छात्राले शिक्षा संकायको डीन कार्यालयमा उजुरी समेत दिएकी छिन् ।

यस काठमाडौँ बाट