चन्दाले चलाउने भइन् ५० अर्बको साम्राज्य

चन्दा शेर्पा यति एयरलाइन्सको प्रबन्ध निर्देशक नियुक्त भएपछि आङछिरिङ शेर्पाको ५० अर्बको व्यसायिक साम्राज्यको नेतृत्वको टुंगो लागेको छ । ताप्लेजुङ हेलिकोप्टर दुर्घटनामा परी निधन भएका शेर्पाको एयरलाइन्स, पर्यटन उद्योग, व्यवसायिक भवनलगायतमा ठूलो लगानी छ । एयरलाइन्सको प्रबन्ध निर्देशक चन्दाले व्यवसायमा प्रत्यक्ष संलग्न भएर नेतृत्व लिएकी छिन् ।

आङछिरिङका दाजु लाक्पा सोनाम शेर्पा र छोराहरुले चन्दालाई व्यवसायमा टेवा दिनेछन् । चन्दाले यति एयरलाइन्सको प्रबन्ध निर्देशकको नियुक्ति लिएलगत्तै नेपालको इतिहासमा सबैभन्दा बढी पूँजी रहेको कम्पनिको प्रबन्ध निर्देशक बन्ने कीर्तिमान कायम गरेकी छिन् ।

पतिको निधनपछि राजनीतिमा महिलाको उदय भइरहेको सन्दर्भमा व्यवसायिक क्षेत्रमा समेत महिलाको उदय भएको छ । सफल व्यवसायीको परिचय बनाएका आङछिरिङलाई चन्दाले साथ दिदै आएकी थिइन् । अब उनी प्रत्यक्ष नेतृत्वमा आएपछि ५० अर्बको साम्राज्य कसरी अगाडि बढ्छ प्रतिक्षाका विषय बनेको छ ।