प्रधानमन्त्रिले भने, राहत दुरुपयोगको सूचना तुरुन्तै दिनुहोला

सुशील कोइरालाले भूकम्पपीडितका लागि स्वदेश तथा विदेशबाट आएको राहत रकम र सामग्रीको दुरुपयोग भएको जानकारी पाएमा तुरुन्त प्रधानमन्त्रीको कार्यालय तथा सरकारी निकायमा खबर गर्न दाताहरुलाई आग्रह गर्नुभएको छ ।

प्रधानमन्त्री कोइरालाले सो कुरा भूकम्पपीडितका लागि प्रधानमन्त्री दैवी प्रकोप कोषमा सहयोग रकम प्रदान गर्न आएका विभिन्न सङ्घसंस्थाका प्रतिनिधिहरुसँग प्रधानमन्त्री निवास बालुवाटारमा आयोजित कार्यक्रममा बताउनुभएको हो ।

उहाँले हरेक व्यक्ति र संस्थाले आफ्नो भाग काटेर पीडितलाई मानवीय सहयोगका लागि दिएको रकम र राहत सामग्री हिनामिना र दुरुपयोग हुन नदिने स्पष्ट पार्नुभयो । सो अवसरमा उहाँले दाताहरुले पनि आफूले दिएको रकम सदुपयोग भए नभएको हेर्नुपर्ने उल्लेख गर्नुभयो ।