संबिधानमा हिन्दु राष्ट्र नराख्ने भए जनमत संग्रह गराै, खुम बहादुर खड्का

नेपाली काँग्रेस नेता खुमबहादुर खड्काले नयाँ संविधानमा धार्मिक स्वतन्त्रतासहितको सनातन हिन्दू राष्ट्र राख्न सबै दलको सहभागितामा संघर्ष गर्ने उद्घोष गरेका छन् ।
पार्टीभित्र सनातन हिन्दू राष्ट्र स्थापना महाअभियान सन्चालन गरिरहेका नेता खड्काले राजधानीमा पत्रकार सम्मेलन गरी संविधानमा हिन्दू राष्ट्र राख्न नसकिए जनमत संग्रह गर्न माग गरे ।
सनातन हिन्दू राष्ट्र महाअभियानका संयोजक नेता खड्काले संविधानको प्रस्तावित मस्यौदामा धर्मबाट अलग रहने स्वतन्त्रता हुनेछ भन्ने प्रावधान राखेकामा आपत्ति जनाए ।
काँग्रेसभित्र सुरु भएको महाअभियानमा सबै दलका हिन्दू धर्मवादीलाई समेटेर चाँडै संघर्ष समिति गठन गर्ने तयारी भइरहेको छ ।

इमेज खवर बाट