आइफा अवार्ड नेपालमा नहुने

काठमाडौं । संसद्को अन्तर्राष्ट्रिय सम्बन्ध समितिले ‘आइफा अवार्ड’ रोक्न सरकारलाई निर्देशन दिएको छ । सिंहदरबारमा मंगलबार बसेको समिति बैठकले ‘आइफा अवार्ड’ आयोजनाले नेपालको सांस्कृतिक स्वतन्त्रता र राष्ट्रियहितमा प्रतिकूल प्रभाव पार्ने देखिएकाले त्यसलाई रोक्न निर्देशन दिएको हो ।

यस्तै चौतर्फी विरोध भएपछि नेपाल सरकारले आईफा अवार्ड काठमाडौैंमा नगर्ने नेपाल पर्यटन बोर्डले जनाएको छ ।

सरकारले असार ८ गते मन्त्रिपरिषद बैठकबाट भारतीय फिल्म अवार्ड आईफा नेपालमा आयोजना गर्ने निर्णय गरेको थियो । उक्त अवार्ड कार्यक्रमका लागि काठमाडौं महानगरपालिकाले ४४ करोड रुपैयाँ अनुदान दिने भनिएको थियो ।

उक्त अवार्ड कार्यक्रममा नेपाली नागरिकले तिरेको करबाट अनुदान दिन नहुने भन्दै विरोध भएपछि सरकार पछि हटेको छ ।