तिहार देखि बेपत्ता बालिकाको खोजी गरिदिन परिवारको आग्रह

रबिन्द्र यादव / नवलपरासी पश्चिम

नवलपरासी पश्चिमको सुस्ताबाट सोमवार देखि एक बालिका अाफ्नै घर बाट हराएकी छिन । सुस्ता गाँउपालिका वडा नं.- ५ बलिनगर बस्ने मारकाण्डे चौधरीको ढाई बर्षिय छोरी आदिती चौधरी साँझ ५ बजे देखि ६ बजेको बिचमा घरमै खेल्दै गरेको अवस्थामा बेपत्ता भएकी हुन ।

कार्तिक ११ गते देखि बेपता भएकी अादिती अहिले सम्म केही जानकारी नभएको परिवारजनले बताएका छन । स्थानीयबासी र प्रहरी द्वारा खोजी कार्य जारी रहेपनि अहिले सम्म बालिकाको अवस्था बारेमा केहि थाहा नभएको प्रहरी चौकी रामनगरले जनाएको छ ।

आदितीको खबर कहि कतैबाट नआएको र आफुहरुले आफ्नो सम्पुर्ण आफन्तीकोमा खोजी गरिसकेकाले बालिका कहि पनि फेला नपर्दा अपहरण गरिएको हो हुन सक्ने आशंका लागेको परिवारजनले दावी गरेका छन् । छोरी घरको अागनमा खेलिरहदा आफुहरु घरको पछाडि करेसावारीमा काम गरिरहेका थिए ।

कार्य सकेपछि छोरी घरमा नभेटिदा चिन्ता बढ्न थालेको छ । परिवारजनले अदिती लाई खोजी कार्य गर्दा नभेटेपछि प्रहरीलाई खबर गरिएको थियोे । गाँउ नजिकै भारतको सिमाना भएको हुदाँ भारतीय प्रहरीसंग समन्वय गरी खोजी भईरहेको प्रहरी कार्यालयले जनाएको छ ।

बेपत्ता बालिका आदितीले रातो टिसर्ट र कट्टू लगाएकि छन् । उनको खोजी कार्यमा सहयोग गरिदिनु हुन परिवारजनले सबैमा निकाय, प्रहरी प्रशासन, मानव अधिकार, संचारकर्मी लगायतमा आग्रह पनि गरेका छ्न । बालिकालाई कहि कतै देखेमा नजिकको प्रहरी कार्यालय वा मोबाईल नम्बर ९८५७०१३७९३, ९८०७४९७३२९,९८६७४२७९७८, ९८७६१६५८१०, सम्पर्क गरि खबर गरिदिनको लागि परिवारजनले अनुरोध समेत गरेका छ्न ।