मरेका कुखुरासहित किचेन संचालक पक्राउ

२८ असार
टोखा नगरपालिका–१३ दिपज्योतीस्थित के.सी. चिकेनकी सञ्चालक काभ्रेपलाञ्चोक उग्रतारा–३ की ३८ वर्षीया निरन के.सी.लाई मरेका ७९ वटा कुखुरासहित प्रहरीले सोमबार पक्राउ गरेको छ ।
सर्लाहीबाट ना.३ च १६९ नम्बरको बलेरो गाडीमा ल्याएका कुखुरा के.सी.को चिकेन स्टोरमा अनलोड गर्दै गरेको अबस्थामा तत्काल महानगरीय प्रहरी प्रभाग गोंगबुले ७९ वटा कुखुरा मरेका अबस्थामा फेला पारी गाडी र के.सी.लाई नियन्त्रणमा लिएको हो ।
यस सम्बन्धमा प्रहरीले थप आवश्यक अनुसन्धान गरिरहेको बताएकाे छ ।