‘प्रेममा पर्नुभएको छ ? तपाईका सबै म्यासेजहरु सरकारले हेर्नेछ’

पुस १४, काठमाडौं | राष्ट्रियसभाको सोमबार बसेको बैठकमा सरकारले नेपाल विशेष सेवा विधेयक २०७६ पेश गरेको छ | बैठकमा अर्थमन्त्री डाक्टर युवराज खतिवडाले विधेयक प्रस्तुत गर्दै सामाजिक जीवनलाई अनुशासित, व्यवस्थित र सभ्य बनाउन आवश्यक भएको बताएका छन् |

यस अघि मुख प्रतिपक्षी नेपाली कांग्रेसका राष्ट्रियसभा सदस्य प्रकाश पन्तले पेस गरेको विरोधको सूचना बहुमतले अस्वीकृत गरे | उक्त विधयेकलाई उनले ज्यानमाराको संज्ञा दिएका छन् | विरोध सूचना प्रश्तुत गर्दै नागरिकको स्वतन्त्रता हनन गर्ने, गोपनियताको हक भंग हुने बताएका छन् |फरक विचार र दलका मान्छेलाई ठाउँको ठाउँ सिध्याउने उद्देश्यले सरकारले यो विधेयक राष्ट्रियसभामा पेश गरेको भन्दै सांसद पन्थले आपत्ति जनाएका हुन् |

कांग्रेसका राष्ट्रियसभा सदस्य प्रकाश पन्तले भने,

“यो लोकतन्त्रविरुद्धको जासुसी हो । विधेयकका केही बुँदाले कुनै पनि व्यक्तिको निजी जीवनमा राज्यको सिधै हस्तक्षेप हुने देखिन्छ । श्रीमान श्रीमतीबीच भएको सबै कुराहरु सरकारले हेर्नेछ, सुन्ने छ । ट्यापिङ गर्ने छ । विदेशमा भएका सबै नेपालीहरु अब घरपरिवारसँग खुलेर कुरा गर्न पाउने छैनन् । बिहे गर्ने उमेर भएका भाइबहिनीहरु प्रेम गर्नुभएको छ भने तपाईंहरुको सबै खवर, सबै म्यासेजहरु सरकारले सुन्ने छ, हेर्ने छ । र जोसुकैमाथि पनि यो ब्याकमेलिङ हुने अवस्था छ । पत्रकारहरुले कुनै खोजमुलक समाचार लेख्नुभयो भने सम्पादकसँग पुग्नुभन्दा पहिले सरकारको संयन्त्रमा यो कुरा पुग्नेछ । त्यसले हामीलाई अप्रत्यक्ष सेन्सर लाग्ने छ ।अहिले अदालतको अनुमति लिएर लिइने कल डिटेलका लागि अब कसैको अनुमति नचाहिने उनले बताए |”